Policia e Leçes ka bërë të mundur arrestimin e 3 personave, pasi u kapën me 250 kg mrijuanë.
2 nga tre personat që kanë rënë në pranga janë shqiptarë, ndërsa njëri është italian. Të arrestuarit janë identifikuar si Renato Uku 36 vjeç rezident në komunën Certaldo në provincën e Firences, Oltion Proko 29 vjeç banues në Vlorë dhe italiani Salvatore Lograno 43 vjeç rezident në qytetin e Brindizit.
Gjatë kontrolli të makinës ku udhëtonin 2 shqiptarët dhe 1 italian , policia ka gjetur në fillim rreth 54 kg marijuanë e konfeksionuar në 50 pako.
Më pas, kontrolli më pas në dy vilat ku banonte Salvatore Logranos në komunën Torre Chianca të Leçes, çoi në sekuestrimin e rreth 200 kg të tjera marijuanë e konfeksionuar në 123 pako.
Të tre të arrestuarit akuzohen për trafik droge dhe ndodhen në burgun Borgo San Nicola të Leçes në dispozicion të autoriteteve gjyqësore.
